Салауатты өмір салтын қалыптастыруда, зорлық-зомбылық пен суицидтік мінез-құлықтың алдын алудағы мектептің рөлі

2019 жылдың 30 қаңтарында «Өрлеу» БАҰО АҚФ ҚР ББЖҚ БАРИ Тәрбие және тұлғаны әлеуметтендіру кафедрасының  аға оқытушысы   Л.А. Дорожкина «әдістемелік десант» аясында Алматы қаласы №11 орта мектебінің базасында педагогтерге арналған «Салауатты өмір салтын қалыптастыруда, зорлық-зомбылық пен суицидтік мінез-құлықтың алдын алудағы білім беру ұйымдарының рөлі. Ата-аналармен жұмыс» тақырыбында семинар-тренинг өткізді.

Семинар-тренингке 1-11 сыныптарының жетекшілері, пән мұғалімдері, педагог-психолог және мектеп әкімшілігі қатысты. Барлығы 31 адам.

Семинарға қатысушылар пікірталас барысында оқушылардың салауатты өмір салтын қалыптастыру үшін дағдыларын қалыптастыруға және зорлық-зомбылық пен суицидтік мінез-құлықтың алдын-алуға мектептерде жұмысты күшейту мәселелеріне тоқталды.

Мұғалімдер мектепте осындай жұмысты ұйымдастыру үшін барлық қажетті ресурстар бар екенін атап өтті: мұғалімдердің даярлығы, құрал-жабдықтар, ең бастысы, мектеп оқушылары. Олар уақытының көп бөлігін  мектепте өткізеді және сенімді ақпарат пен білімді қажет етеді, ең маңыздысы, өмірлік дағдыларды қалыптастырады, әр түрлі өмірлік жағдайларда дұрыс шешімдер қабылдауға және қауіпсіз мінез-құлықты жүзеге асыруға мүмкіндік береді. отбасылық тәрбие мәселелері бойынша, мектеп оқушыларының ата-аналарымен ынтымақтастыққа және оларға психологиялық-педагогикалық қолдау көрсетуге ерекше назар аударылды.

Қатысушылар тренинг тақырыбы бойынша қажетті ғылыми негізделген ақпаратты, сондай-ақ осы салаларда ата-аналармен және оқушылармен жұмыстарды ұйымдастыру бойынша әдістемелік ұсыныстар алды.

Семинар-тренинг соңында педагогтер алынған ақпараттар мен білімдердің тәжірибе жүзінде жүзеге асыру жөнінде нақты ұсыныстарын айтты.

Leave a Reply

Your email address will not be published. Required fields are marked *